ایک نیوز:پی سی بی نےپی ایس ایل ٹین میں کراچی کنگز کے آل راونڈر عامر جمال پر میچ کا پانچ فیصد جرمانہ عائد کر دیا۔
عامر جمال کو کوڈ آف کنڈکٹ کی خلاف ورزی پر جرمانہ کیا گیا،عامر جمال نے پشاور زلمی کے خلاف میچ کے دوران حسین طلعت کو آوٹ کرنے کے بعد ان کے قریب جا کر جارحانہ کمنٹ کیا تھا ۔
میچ ریفری نے امپائرز کی رپورٹ پر عامر جمال کو جرمانہ کیا عامر جمال نے اپنی غلطی تسلیم کرتے ہوئے جرمانہ قبول کر لیا۔
خیال رہے کہ گزشتہ روز پی ایس ایل سیزن10کے گیا رہویں میچ میں کراچی کنگز نے پشاور زلمی کو 2وکٹوں سے شکست دے دی تھی۔

یہ بھی پڑھیں : پی ایس ایل 10:کراچی کنگز کے کپتان ڈیوڈ وارنر کا کارنامہ،رنز کے انبارلگا دیئے

کراچی میں کھیلے جانیوالے میچ میں کراچی کنگز نے پشاور زلمی کیخلاف ٹاس جیت کر پہلے بولنگ کا فیصلہ کیاتھا،پشاور زلمی نے پہلےکھیلتے ہوئے مقررہ 20 اوور میں 8 وکٹ کے نقصان پر 147 رنز بنائے،بابر اعظم نے 46، محمد حارث نے 28 رنز بنائے، الزاری جوزف نے 24 اور حسین طلعت نے 18رنز بنائے۔
کراچی کنگز کی جانب سے خوشدل شاہ اور عباس آفریدی نے تین، تین وکٹیں حاصل کیں۔
148رنز کا ہدف کراچی کنگز نےآخری اوور میں حاصل کیا ،کراچی کنگز کی ٹیم 6پوائنٹس کیساتھ دوسرے نمبر پر آگئی،ڈیوڈ وارنر نے 60 رنز کی اننگز کھیلی جبکہ خوشدل شاہ 23 رنز بناکر ناقابل شکست رہے۔
پشاور زلمی کی جانب سے لیوک ووڈ نے3اور علی رضا نے2کھلاڑیوں کو آؤٹ کیا۔